Манчестер Јунајтед испушти водство од 1-3, но во 97.минута успеа на чудесен начин да стигне до победа од 3-4 против Вулверхемптон. Спасител на „црвените ѓаволи“ беше младиот Коби Маину длабоко во судиското продолжение, само две минути откако Педро Нето израмни во 95.минута.
„Луд“ натпревар се одигра на „Молино“. Рашфорд и Хојлунд донесоа предност од 0-2 за Манчестер Јунајтед, а Пабло Сарабија од пенал нанали во 71.минута. После голот на Скот Мектоминеј во 75.минута се чинеше дека победникот е решен, но Премиер-лигата понуди уште еден драматичен меч.
Макс Килман во 85.минута намали на 2-3, а Педро Нето донесе и израмнување, но, сепак, на крајот триумфот му припадна на Манчестер Јунајтед.
