Македонскиот селектор Игор Ангеловски го привлече вниманието на италијанската јавност откако во разговор за „Радио Марте“ отворено говореше за изненадувањето што минутажата на Елиф Елмас значително се намали со доаѓањето на Џенаро Гатузо на клупата на Наполи. Тој изрази надеж дека ситуацијата наскоро ќе се промени, потенцирајќи дека на нашиот национален тим му е многу важно Елмас да биде во натпреварувачки ритам во пресрет на бараж дуелот со Косово на 26 март.
„Нема да кријам, за Македонија е проблем што Елмас игра многу малку за Наполи во последно време. Сакаме да испишеме историја и да играме на едно европско првенство, а за да бидеме во топ-форма неопходно ни е фудбалерите да бидат стандардни во своите клубови. Мислам дека Елмас може да се снајде во формацијата 4-3-3 на Гатузо, и тоа на позиција што е поприродна за него. Се слушнав со Елис по победата над Лацио, да му честитам на големиот триумф. Беше пресреќен бидејќи се најде на теренот, иако влезе како резерва. Јас како селектор на Македонија знам дека тој поседува огромен потенцијал, тој е врвен талент, се надевам дека Гатузо ќе го увиди тоа и ќе му даде шанса“, изјави Ангеловски за „Радио Марте“.
