Актуелниот првак Манчестер Сити го победи Барнли на „Итихад“ со 3-1. Хулијан Алварез беше стрелец на првите два гола за „граѓаните“, во 16. и во 22.минута, а во вториот дел стрелаше и Родри.
Во судиското продолжение Барнли го постигна единствениот гол преку Амен Ал Дакил.
Тотенхем беше подобар од Брентфорд и славеше со 3-2. Моупеј донесе водство за гостите, но на почетокот на вториот дел Тотенхем направи голем пресврт. Удоџи го израмни резултатот во 48.минута, а само една минута подоцна Бренан Џонсон направи пресврт. Третиот гол за Тотенхем беше дело на Ришарлисон во 56.минута.
Брентфорд намали преку Иван Тони, но сепак триумфот му припадна на Тотенхем.
