Елиф Елмас цел живот ќе го памети денешниот ден, во кој го постигна својот прв погодок во дресот на Наполи, носејќи водство од 0-2 на гостувањето против Сампдорија.
Македонскиот репрезентативец го игра својот 13. натпревар во дресот на „наполитанците“ во Калчо-лигата, бројка што се покажа среќна за него откако Елмас одлично се снајде по еден корнер од десната страна и со прецизен удар го матираше домашниот голман.
Македонскиот „дијамант“ не ја криеше среќата, но и не можеше да ги сокрие солзите по деби-голот на Апенинскиот полуостров.
