Енис Барди се наоѓа во трка со времето за да биде способен за настап на претстојниот бараж дуел против Косово откако беше обелоденето дека Македонецот заработил незгодна повреда за време на последниот меч против Гранада во Примера Дивизион.
„Барди е меѓу четворицата фудбалери кои се пожалија на повреди. Тој има умерено истегнување на скочниот зглоб на десната нога. Повеќе детали ќе се знаат по прегледите по неколку дена“, соопштија клупските лекари на Леванте.
Натпреварот меѓу Македонија и Косово ќе се игра на 26 март во Скопје, а се уште е неизвесно дали истиот ќе се одигра со публика или пред празни трибини на Националната арена „Тодор Проески“.
