Манчестер Јунајтед би можел сензационално да погледне кон легендата на Реал Мадрид и актуелен напаѓач на Ал-Итихад, Карим Бензема, тврди шпанското издание „Fichajes“. Според изворот, „црвените ѓаволи“ се меѓу трите екипи, заедно со Реал Мадрид и со Лион, кои би можеле да го земат францускиот напаѓач на позајмица во јануари.
„Црвените ѓаволи“ се мачат во нападот, откако Маркус Рашфорд е бледа сенка на неговите 30 гола од минатата сезона. Тој има само три гола оваа сезона. Летното засилување Расмус Хојлунд досега има само еден гол во Премиер – лигата, исто како и Ентони Марсијал.
Очигледно е дека на клубот му требаат засилувања во нападот. Јунајтед беше поврзуван со Тимо Вернер пред неговата преселба во Тотенхем и останува заинтересиран за напаѓачот на Баерн Минхен, Ерик Максим Чупо-Мотинг.
Бензема се соочува со сериозни проблеми во неговиот сегашен клуб Ал-Итихад, бидејќи нема забележано ниту еден натпревар од 26 декември. Со одлука на тренерот Марсело Галјардо тој нема да патува со тимот на подготовките во Дубаи. Претходно ги пропушти и последните три тренинзи кон крајот на декември.
