Поранешниот менаџер на Манчестер Јунајтед, Оле Гунар Солскјер, наскоро би можел да добие нова работа. Норвежанецот се поврзува како опција за нов селектор на шведската репрезентација.
Во моментов Швеѓаните се во потрага по нов стратег по разделбата со Јане Андерсон, кој не успеа да се квалификува со селекцијата на ЕВРО 2024, а челниците на федерацијата се насочија кон Солскјер.
Во Шведска бараат селектор кој ќе го изгради тимот од нула и ќе ги постави темелите за иднината. Солскјер направи нешто слично кога беше назначен за менаџер на Манчестер Јунајтед и сега Швеѓаните се надеваат дека може да го стори истото за нив.
Сепак, Солскјер не е единствената опција. На листата на потенцијални кандидати се и поранешниот репрезентативен дефанзивец Олаф Мелберг, Австралиецот Тони Густафсон и менаџерот на Блекбурн, Јон Дал Томасон.
