Шкупи означи старт, од утре во комплетен состав (ФОТО)

Македонскиот прволигаш Шкупи денеска го имаше првиот собир на стадионот Чаир, иако во некомплетен состав. Како што информираат од клубот, фудбалерите од христијанска вероисповед добија дополнителен ден одмор поради прослава на Божиќ, и тие од утре треба да се стават на располагање на стручниот штаб.

Првиот дел од подготовките Шкупи ќе го реализира во својата база, а потоа ќе следи и заминување во Турција.

Целта на Шкупи е да се атакува на шампионската титула во пролетниот дел од сезоната.