Стоперот на Барселона, Ињиго Мартинез, заработи нова повреда која ќе го оддалечи неколку недели.
Тој се врати на теренот во осминафиналето на Кралскиот куп против Барбастро, но мораше да ја напушти играта по само десет минути. Се работи за нова повреда, а не за обновување на старата, сега настрада мускулот на другата нога.
Според последните информации, тој ќе биде надвор од терените четири до пет седмици, што значи дека ќе го пропушти згуснатиот распоред на Барселона во текот на јануари.
Барса ја очекува патување за Ријад за да учествува во шпанскиот Суперкуп, во полуфиналето ќе се сретне со Осасуна, а в недела би имала потенцијално финале против Реал Мадрид или Атлетико Мадрид.
Потоа следува тешко гостување кај Бетис, потоа Вилјареал и Осасуна пристигнуваат во Барселона, а на почетокот на февруари гостување кај Алавес.
Во најдобар случај, Ињиго ќе биде подготвен за дуелот со Гранада на 11 февруари, иако главната цел е да биде целосно фит за првиот осминафинален натпревар во Лигата на шампионите во Неапол на 21 февруари.
