Челси покажува сериозен интерес за дефанзивецот на Ница, Жан-Клер Тодибо. „Сините“ стапиле во контакт со агентите на францускиот репрезентативец за да изразат намера да го доведат на „Стемфорд Бриџ“.
24-годишниот дефанзивец претходно беше поврзуван со интерес од Манчестер Јунајтед и Тотенхем, но во моментов се верува дека Челси е фаворит за негов потпис.
Евентуалното заминување на Тодибо на „Стемфорд Бриџ“ сепак е поверојатно да се случи на лето, а не во јануари. Во Ница не сакаат да го пуштат еден од најважните играчи на средината на сезоната.
Тодибо не успеа да го открие својот потенцијал во Барселона, каде што беше доведен пред неколку години. Во Ница, сепак, се разви во одличен дефанзивец.
