Маркос Алонсо мора на операција на грбот

Дефанзивецот на Барселона, Маркос Алонсо, ќе биде опериран поради болки во грбот. Шпанскиот шампион најави дека тоа ќе се случи во наредната недела.

Според каталонскиот „Спорт“, периодот на опоравување ќе биде околу еден месец.

33-годишниот Алонсо се жали на болки во грбот од крајот на октомври. Претходниот третман на проблемот не даде резултати, поради што е потребна операција.

Шпанецот досега играше ретко, а договорот му е до крајот на сезоната.