Енис Барди повторно е напаст за голманите низ Ла Лига, откако македонскиот ас второ коло по ред се запиша во листа на стрелци во шпанскиот шампионат.
По прекрасниот погодок против Еспањол, Барди продолжи во голгетерски ритам и на денешниот дуел со Бетис, на кој постигна прекрасен погодок за водство од 2-0. Ударите со десна нога му се специјалност на Барди, но тој денеска покажа дека знае исклучително прецизно да биде и со „левицата“, откако со прекрасен удар од десетина метри откосо го матираше гостинскиот голман.
