Димарко останува во Интер до 2027 година

Дефанзивецот на Интер, Федерико Димарко, ја продолжи соработката со клубот. Новиот договор на играчот со „нероаѕурите“ е до јуни 2027 година, објави Интер во кратка порака на својата официјална веб-страница.

Димарко е младински играч на Интер, а во 2017 година го напушти „Џузепе Меаца“ за да се приклучи на швајцарскиот Сион. По едногодишен престој таму, дефанзивецот се врати во Интер.

Има настапувано и во екипите на Асколи, Емполи, Парма и на Верона каде што беше на позајмица.