Флоријан Вирц нема да го напушти Баер Леверкузен следната година, објавија германските медиуми.
Фудбалерот има намера да продолжи да настапува на највисоко ниво со тимот на Баер, за подоцна да се пресели во некој од најсилните европски клубови. Меѓу претендентите за трансфер на 20-годишниот играч од средниот ред се Ливерпул, Баерн Минхен и Барселона.
Германскиот репрезентативец вреди над 100 милиони евра. Договорот на Флоријан Вирц со лидерот во германскиот шампионат Баер Леверкузен е до летото 2027 година.
