![](https://makfudbal.mk/wp-content/uploads/2023/12/trene.jpg)
Хосеп Гвардиола, Симоне Инзаги и Лучијано Спалети се тројцата финалисти кои ќе се борат за наградата на ФИФА во категоријата најдобар тренер. Наградата ќе му биде врачена на најдобриот и најуспешен стратег во периодот од 19 декември 2022 до 20 август 2023 година, а победникот ќе биде прогласен на церемонија во Лондон, која ќе се одржи на 15 јануари 2024 година.
Првичната листа беше од пет кандидати, но Анге Постекоглу и Чави Хернандез отпаднаа од неа, оставајќи ги тројцата споменати финалисти.
Гвардиола стана првиот менаџер кој освоил две големи тројни круни, откако минатата сезона Манчестер Сити конечно стигна до посакуваниот трофеј во Лигата на шампионите, трета година по ред ја крена титулата во Премиер – лигата и го подигна ФА Купот. Пеп имаше слично достигнување со Барселона во 2009 година. На крајот на август се очекуваше Гвардиола да биде избран за најдобар тренер во изминатата сезона од УЕФА.
Симоне Инзаги го предводеше Интер до нивното прво финале во Лигата на шампионите по 13 години, а „нероаѕурите“ исто така го подигнаа Купот на Италија и Суперкупот.
Лучијано Спалети со Наполи ја освои титулата во Серија А, која навивачите на тимот ја чекаа цели 33 години. Поради ова достигнување не беше прогласен за тренер на годината во италијанскиот шампионат. Во август стана селектор на Италија.
![](https://makfudbal.mk/wp-content/uploads/2021/02/logo.jpg)
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski
![](https://makfudbal.mk/wp-content/uploads/2024/09/zfk-ljuboten-7-1-80x80.jpg)
Женски фудбал
ЖФК Љуботен со утешна, но и историска победа во ЛШ
![](https://makfudbal.mk/wp-content/uploads/2024/09/kasemiro-junajted-888-80x80.jpg)