Гостивар ја победи Македонија ЃП со 1-0 и успешно ја затвори есенската полусезона. Стрелец на победничкиот гол беше Ланре Кехинде од пенал во 89.минута, откако Стоилов го фаулираше Дервиши во шеснаесетникот.
Гостите реагираа на претходниот напад, кога Атиемвен го собори Пецов во шеснаесетникот на Гостивар, но судијата Стојначе Стојанов не покажа на белата точка.
Гостивар во финишот играше со фудбалер помалку поради исклучувањето на Јаник, кој удри без топка противнички фудбалер.
Гостиварци имаа многу повеќе шанси на овој начин, Кехинде, Атиемвен, се закануваа неколкупати, но Стевковски беше на висина на задачата.
На крајот, сепак, Гостивар успеа да стигне до трите бода.
