Фудбалерите на Борусија Менхенгладбах се пласираа во четвртфиналето на Купот на Германија. Коне го одведе тимот меѓу најдобрите осум со голот во 120.минута на дуелот против Волфсбург.
И двете екипи имаа свои шанси за победа уште пред продолженијата. Сепак, кулминацијата на драмата се случи во последната минута од второто продолжение кога домаќините одиграа одличен контранапад, Флоријан Нојхаус го вработи Куди Коне, а играчот за врска постигна гол вреден за четвртфинале и голема радост на домашните навивачи.
Во второлигашкото дерби во Купот, Кајзерслаутерн на домашен терен го совлада Нирнберг со 2-0, додека Фортуна Диселдорф како гостин беше подобра од Магдебург со 1-2.
Членот на регионалната лига Хомбург го заврши своето учество во Купот со домашен пораз (1-4) против Сент Паули.
