Францускиот репрезентативец Оливие Жиру потврди дека сака да остане во Милан. Актуелниот договор на напаѓачот со гигантот од Милано истекува следното лето.
„Сакам да останам во Милан. Договорот ми истекува во јуни и сѐ уште не сме разговарале со клубот за мојата иднина“, изјави 37-годишниот Жиру.
„Дефинитивно сакам да останам. Мислам дека сѐ уште можам да му помогнам на тимот. Нема да ставам граници на мојата кариера”, додаде Французинот.
Милан в сабота ќе ја пречека Фиорентина во натпревар од 13. коло во Серија А.
