Силекс е жесток домаќин, а тоа го почувствува и Шкупи. Тимот од Чаир загуби во Кратово со 2-1 со што заврши и нивната долга серија без пораз.
Трапановски го отвори резултатот во 12.минута, но Силекс имаше силен одговор уште во првото полувреме.
Милош Николиќ израмни во 17.минута, а Антонио Каланоски направи целосен пресврт со голот во 41.минута. Во финишот Шкупи остана и со фудбалер помалку по исклучувањето на Дарко Илиески.
Работнички ја доби скопската пресметка против Македонија ЃП во Ѓорче Петров славејќи со 0-1. Стрелец на победничкиот гол беше Марселин Гандо Биала со голот во 53.минута.
