Репрезентативецот на Косово, Ведат Муриќи, предизвика големо внимание со својата изјава пред натпреварот против Израел кој вечерва се игра во Приштина. Муриќи зборуваше за израелските полицајци и се прашуваше зошто доаѓаат во главниот град на Косово, па поради сѐ мораше да се изјасни Фудбалската федерација на таа земја.
Косово и Израел вечерва играат во осмото коло од квалификациите за ЕП, иако не е официјален термин на ФИФА, но ги добија потребните дозволи од сите страни за овој натпревар да се одигра на стадионот „Фадиљ Вокри“.
„И Црна Гора и Романија дојдоа да играат овде, немаше проблем. Тие немаа свои полицајци, дојдоа да играат фудбал. На нашиот аеродром во Косово има израелски полицајци кои дојдоа специјално да нѐ проверат. Ќе играме фудбал, нема овде војна. Ова е чудно, ова не се случило досега. Ова е фудбал, а не војна. Искрено, ова е скандалозно! Што прават тие со нас?”, изјави Ведат Муриќи.
