Легендата на италијанскиот фудбал Паоло Малдини е фаворит за директорската функција во саудискиот Ал-Итихад. Поранешниот директор на Милан наскоро ќе одлучи за својата иднина, сериозно размислувајќи за можноста да ја преземе функцијата во Ал-Итихад.
Саудискиот клуб неодамна го отпушти Нуно Еспирито Санто и е во потрага по нов тренер и нов директор.
Амбициозниот клуб сака да докаже дека се сериозни во својот проект. Затоа тимските шефови сакаат да го ангажираат Малдини. Летото тој доби отказ од матичниот Милан по несогласување со сопственикот на клубот, Гери Кардинале.
Пред неколку месеци името на Паоло Малдини се поврзуваше со италијанската репрезентација и со ПСЖ, меѓутоа тој и понатаму е без работа во фудбалот.
