Тренерот на Баерн Минхен, Томас Тухел, зборуваше пред утрешниот натпревар од новото коло во Бундес – лигата против Хајденхајм.
„Тие ремизираа со Борусија Дортмунд и постигнаа важна победа против Штутгарт, тимот кој е во форма. Малку се неконзистентни, но тие се многу силен тим во воздухот, флексибилни се, реагираат на секој противник и ја прилагодуваат формацијата. Тоа е уште еден тежок натпревар за нас во нови околности по два ментално тешки натпревари“, изјави тренер на Баерн Минхен.
Тухел зборуваше и за кадровските проблеми.
„Мора да видиме како ќе се снаоѓаат Леон Горецка, Дајот Упамекано и Рафаел Гереиро. Имаме играчи кои играа многу во последниот период, како Алфонсо Дејвис, Кингсли Коман, Ким. Сепак, одлука ќе ја донесам утре“, изјави Томас Тухел.
