МАКФУДБАЛ ТРЕНЕР на колото: Александар Васоски (Вардар)

Вардар имаше очаен старт на сезоната, но полека работите се придвижуваат во позитивна насока. За тоа најзаслужни се двете победи по ред што тимот на Александар Васоски ги оствари против Работнички и против Брера.

Со речиси идентичен рецепт, цврста одбрана, многу борба и пожртвуваност, натчовечка желба за триумф.

Александар Васоски успеа да им го всади победничкиот дух на младите момци од составот на Вардар и тоа го дава посакуваниот ефект. Иако борбата е долга, сепак, Вардар веќе не е отфрлен на дното, туку се доближи и гледа кон повисоко.

Александар Васоски е избран за МАКФУДБАЛ ТРЕНЕР на 12.коло во Првата фудбалска лига. Тој го предводи МАКФУДБАЛ ТИМОТ НА КОЛОТО.