Тренерот на Интер, Симоне Инзаги, ги пофали своите играчи по победата над Рома од 1-0. Според него, „нероаѕурите“ ги заслужија трите бода, иако голот дојде доцна во натпреварот.
„Рома се бранеше одлично. Игравме напорно и покажавме трпение. Во натпревари каде што голот не доаѓа долго време, може да настанат проблеми, но ние бевме одлични и не завладеа нервоза“, изјави Инзаги.
„Лукаку? Рома има и други квалитетни играчи. Не го видовме. Кажав што мислев за тоа летото. Сите знаат што направивме за да го вратиме. Тој реши да оди на друго место и јас тоа го прифатив. Ако го сретнам, ќе му честитам. Моите одлуки секогаш биле за доброто на Интер“, потенцира тренерот на миланскиот клуб.
„Атмосферата на стадионот беше исклучителна. Без разлика дали противникот е Рома, Милан, Калјари или Сасуоло – навивачите се секогаш зад нас“, додаде Инзаги.
