Ливерпул го победи Нотингем Форест со 3-0 на „Енфилд“ и стигна до седмиот триумф оваа сезона во Премиер-лигата. Тимот на Јирген Клоп доминираше и заслужено стигна до трите бода.
Диого Жота во 31.минута донесе водство, а Дарвин Нуњез четири минути подоцна зголеми на 2-0. Третиот гол беше дело на Мохамед Салах во 77.минута.
Астон Вила исто така стигна до седмата победа оваа сезона откако дома славеше против Лутон со 3-1. Мекгин и Дијаби донесоа два гола предност, а потоа Локјер си постигна автогол. Лутон постигна почесен гол откако Мартинез лошо интервенираше во 83.минута.
Брајтон и Фулам ремизираа 1-1.
