Челси и Арсенал ремизираа 2-2 во лондонското дерби кое се одигра на „Стемфорд бриџ“. Челси беше блиску до победа, имаше водство од 2-0, но Арсенал успеа да се врати и да остане непоразен и на ова дерби и сѐ уште во првенството во Премиер-лигата.
Кол Палмер во 15.минута постигна гол од пенал за водство на Челси, а Михаило Мудрик на почетокот на вториот дел зголеми на 2-0.
Сепак, Деклан Рајс ја врати надежта на „топчиите“ во 77.минута, а Леандро Тросар израмни во 84.минута од дуелот.
