Наполи победнички против Верона (ВИДЕО)

Италијанскиот првак Наполи ја оствари петтата победа во Серија А оваа сезона откако славеше на гости против Верона со 1-3. Елиф Елмас поради повреда не беше во составот, а неговите соиграчи добро ја заврпија работата на ова гостување.

Матео Политано беше стрелец на првиот гол за „наполитанците“, а потоа Квича Кварацкелија постигна уште два гола за тимот од Неапол за сигурна предност од 0-3.

Почесниот гол за Верона беше дело на Дарко Лазовиќ.