Светскиот шампион со Аргентина, Алехандро Папу Гомез е казнет со суспензија во период од две години поради, пренесува шпанското издание „Релево“.
Причината е позитивен допинг тест на забранета супстанца, бидејќи 35-годишниот фудбалер го дал предметниот примерок во ноември минатата година, т.е. денови пред почетокот на Светското првенство 2022. Ова се случило за време на изненадувачки допинг тест во клупската база на Севилја, додека Папу Гомез се уште беше играч на Андалузијците.
Според верзијата на самиот фудбалер, неколку дена пред да го даде примерокот, тој имал лоша ноќ, поради што без консултација со клупските лекари пиел медицински сируп наменет за едно од неговите деца. Ваквото однесување не е дозволено од антидопинг властите, па оттука и неговата сегашна казна.
Крилото и Севилја беа свесни за проблемот со месеци откако беа известени за позитивниот допинг тест, но дури оваа недела беше изречена двегодишната суспензија.
Токму овој инцидент го спречи Папу Гомез да најде нов тим цело лето и тој на крајот го раскина договорот на последниот ден од преодниот рок, иако требаше да истече за една година.
