Раководството на Борусија Дортмунд ја разгледува можноста во тимот да го врати напаѓачот Џејдон Санчо. Англичанецот се пресели во Манчестер Јунајтед во една од најголемите зделки на трансфер пазарот во 2021 година, но падна во немилост на „Олд Трафорд“ во последните месеци по кавгата со менаџерот Ерик Тен Хаг.
Санчо беше отстранет од тимот, а менаџерот на „црвените ѓаволи“ побара извинување од играчот за да биде вратен во тимот. Сепак, никогаш не го доби.
Според извори на „ЕСПН“, Борусија Дортмунд размислува да го доведе Санчо на позајмица до крајот на сезоната. Германскиот клуб во моментов негира таква опција, но упатените тврдат дека „жолто-црните“ се сериозни во своите намери.
