Поранешниот белгиски репрезентативец Еден Азар, кој неодамна се пензионираше, објасни што го натерало да се откаже од фудбалот на само 32 години.
„Отсекогаш сум велел дека ќе престанам кога повеќе нема да уживам во играта. Не сакав да одам некаде само поради пари. Немав веќе желба да тренирам и да играм. Одлуката беше лесна“, изјави Азар за „L’avenir“.
Крилниот напаѓач последен пат беше дел од Реал Мадрид. Во тимот на „кралевите“ одигра вкупно 76 натпревари и постгна седум гола. Претходно, Азар помина седум многу успешни години во Челси, а неговиот пат во професионалниот фудбал започна во Лил.
Белгиецот синоќа учествуваше на хуманитарен натпревар во Франција.
