Селекторот на Хрватска, Златко Далиќ, ја презеде вината за поразот од Велс (2-1) во Кардиф во европските квалификации. По овој пораз, „коцкестите“ не ја држат во свои раце судбината судбината на ЕВРО 2024.
Според Златко Далиќ, сепак, неговиот тим мора да гледа напред со кренати глави и да даде сѐ од себе.
„Заслуживме да загубиме. Велс беше подобар тим, поагресивен. Тие покажаа поголема желба и подобро ги искористија своите ситуации на натпреварот. За нас проблемот беше напред, бидејќи не можевме да најдеме начин да постигнеме гол. Овој пораз е доста непријатен бидејќи нѐ стави во тешка ситуација. Пред овој натпревар ситуацијата ни беше многу подобра, а сега мораме да зависиме од другите. Се разбира, јас ја преземам целосната одговорност за овој пораз. Моја вина е затоа што можев подобро да го подготвам тимот. Нашата ситуација е тешка, но мораме да кренеме глави, да им се извиниме на навивачите и да гледаме напред“, изјави Златко Далиќ.
