Турција ја победи Летонија со 4-0 и стигна до 16 бода во групата Д. Турците со поразот на Хрватска од Велс (2-1) го обезбедија пласманот на Европското првенство во 2024 година. До крајот на квалификациите имаат средба со Велс, но не можат да паднат на третата позиција, а првите две водат на големото натпреварување во Германија.
На официјалниот Твитер профил на турската репрезентација, објавена е снимка од прославата на теренот и во соблекувалната, каде играчите на новиот селектор Винченцо Монтела играат, а во средината е поставен голем звучник.
На седум натпревари Турција оствари пет победи, едно реми и пораз од Хрватска. Во средината на квалификациите, селекторот беше сменет откако на крајот на септември беше отпуштен Германецот Штефан Кунц. Потоа дојде Монтела и славеше против Хрватска (0-1) во Осијек и на домашен терен против Летонија.
