Поранешниот дефанзивец на Барселона, Јувентус и на Пари Сен Жермен, Дани Алвеш, има намера да се договори со истрагата за да постигне минимална казна, пренесува „Мундо Депортиво“.
Алвеш неодамна го смени својот адвокат. Сега интересите на Бразилецот пред судот ги застапува Инес Гвардиола, која е специјализирана за случаи на сексуално насилство и кривично право.
Фудбалерот сака да се договори со шпанската правда да му ја намали казната што е можно повеќе. Засега на Бразилецот му се заканува затворска казна од 8 до 10 години.
