Играчот за врска на италијанската репрезентација Сандро Тонали се расплакал за време на средбата со семејството по избивањето на скандалот за наводното нелегално обложување, информира „Кориере дела сера“.
Тој во пракса ја призна вината и се согласи да се запише на програма за лекување од зависност од коцкање. Тоа му го препорачало обвинителството што работи на случајот.
Фудбалерот на Њукасл, како и Николо Заниоло, Николо Фаџоли и Никола Залевски се четворицата за кои во моментов се тврди дека го прекршиле законот со обложување преку нелегални платформи. Се вели дека Тонали ја користел платформата „worldgame365“.
Тонали и Заниоло дури беа ослободени од кампот на „аѕурите“, откако беа испрашани од полицијата.
