Белгиската фудбалска ѕвезда Еден Азар одлучи да стави крај на кариерата на 32-годишна возраст. Тој остана без клуб по разделбата со Реал Мадрид и донесе одлука дека во таква ситуација најдобро е да ја прекине кариерата.
“Мораш да послушаш сам себе и да кажеш “крај” кога тоа е вистински момент. После 16 години кариера и повеќе од 700 одиграни натпревари, одлучив да ставам крај. Имав среќа да ги остварам своите сништа, да играм во големи клубови и да го носам дресот на Белгија. Би сакал да им се заблагодарам на сите со кои ги делевме моментите на фудбалските терени”, објави Еден Азар.
