Шкендија ја победи Струга ТЛ со 1-0 и се врати на првата позиција на табелата во Првата фудбалска лига. Човек на одлука беше Алмир Аганспахиќ кој во 47. минута успеа да го постигне голот вреден три бода.
Шкендија беше подобар тим, посебно во првиот дел, но и стружани имаа свои добри моменти. На крајот, сепак, бодовите останаа во Тетово.
За актуелниот шампион Струга ТЛ тоа е втор пораз во низа, откако претходно загуби и од Шкупи на Чаир.
