Баерн Минхен оствари многу тешка победа од 2-1 на гостувањето во Копенхаген. Лукас Лерагер го отвори резултатот во 56. минута во корист на домаќинот, а Баварците направија пресврт со головите на Џамал Мусијала во 67. минута и на Матис Тел во 81. минута.
На тој начин, Баерн стигна до уште еден рекорд бидејќи тоа беше 18. последовен натпревар без пораз за овој клуб во групната фаза, со што излезе пред Барселона.
Покрај тоа, тимот на Томас Тухел сега е во серија од 36 натпревари без пораз во групната фаза на ЛШ.
Со успехот, Баерн Минхен собра 6 бода води на табелата во групата.
