Неапол вечерва ќе се „тресе“ поради гостувањето на Реал Мадрид и дуелот во Лигата на шампионите. Но, информациите од Италија велат дека во Неапол синоќа се почувствувал силен земјотрес со јачина од 4 степени.
Жителите сериозно се вознемириле, а новинарот на „Марка“ веднаш објави и на социјалните мрежи.
„Четири секунди сериозно тресење“, напиша на Твитер.
Епицентарот бил на околу девет километри од центарот на Неапол, а неофицијално, земјотресот бил предизвикан од вулканска активност. Тресењето се почувствувало во 22.10 часот и според извештаите не сеизмолозите, а бил со јачина од 4 степени што е втор најсилен земјотрес во овој дел од Италија во последните 40 години.
