Саво Милошевиќ е поставен за нов селектор на БиХ

Српскиот фудбалски ас Саво Милошевиќ е нов селектор на Босна и Херцеговина. ФСБиХ објави дека Милошевиќ го наследува Мехо Кодро, кој беше сменет само по два меча како селектор на националниот тим.

Милошевиќ последен пат беше на клупата на Олимпија Љубљана, а претходно го предводеше и Партизан. Се поврзуваше и со бугарскиот клуб Левски, но тој ангажман не се оствари.

На Саво Милошевиќ ќе му помагаат Ненад Цветковиќ, Марко Стојановиќ, Недим Јусуфбеговиќ, Марио Иванковиќ и Синиша Мркобрада.