Пеп Гвардиола се враќа на клупата на Манчестер Сити по операцијата на грбот поради која беше отсутен три недели, објави англискиот фудбалски шампион. Во отсуство на Гвардиола, тимот го водеше првиот помошник Хуан Мануел Лиљо, но познатиот шпански стручњак сега е повторно подготвен за предизвици.
Актуелниот освојувач на Лигата на шампионите, Премиер – лигата и на ФА купот ги победи Шефилд Јунајтед (2-1) и Фулам (5-1) во отсуство на Гвардиола и остана на врвот на табелата со четири победи.
Манчестер Сити в сабота гостува кај Вест Хем Јунајтед, а во групната фаза од Лигата на шампионите следниот вторник ќе игра против Црвена звезда.
