Во италијанските медиуми се појавија првични шпекулации за тоа кој може да е „виновен“ за позитивниот допинг – тест на играчот од средниот ред на Јувентус, Пол Погба за зголемено ниво на тестостерон после натпреварот против Удинезе на 20 август.
Според „Газета дело Спорт“, станува збор за доктор пријател на Погба кој му препорачал додаток во исхраната.
Фудбалерот го купил од САД и не го известил медицинскиот персонал на клубот.
„Газета“ тврди дека Французинот дури вчера му признал на клубот дека го користел додатокот во исхраната. Ова значи дека играчот од средниот ред бил невнимателен, поради што „старата дама“ има право да го раскине неговиот договор доколку вториот тест исто така се покаже позитивен.
30-годишниот Погба се соочува со можна суспензија од 2 до 4 години, што може да значи и крај на неговата професионална фудбалска кариера.
