Џон Тери е најновото звучно фудбалско име кое се наоѓа пред преселба во Саудиска Арабија. Медиумите на Островот тврдат дека тој е во финални преговори да седне на клупата на Ал Шабаб и да тргне по стапките на Стивен Џерард со кого во минатото играа заедно во селекцијата на Англија.
Раководството на Ал Шабаб веќе два месеци води преговори со Џон Тери и наводно тие се веќе финализирани. Се очекува и конечната нова одлука пред да се пресели во Саудиска Арабија.
За Џон Тери тоа би бил прв клуб во кој би работел самостојно како шеф на стручниот штаб. Досега тој беше асистент тренер во Астон Вила и во Лестер, а последната година ја мина како консултант во младинската академија на Челси.
