Тренерот на Интер, Симоне Инзаги, го продолжи договорот со клубот за уште една сезона, до 2025 година.
Овој 47-годишен стратег минатата сезона го предводеше Интер до финалето на Лигата на шампионите, во кое неговиот тим беше поразен од Манчестер Сити со 1-0.
Под негово водство Интер ги освои последните две изданија на Купот на Италија.
Пред Интер, Симоне Инзаги беше на клупата на Лацио од 2016 до 2021 година.
Интер моментно е лидер во Серија А со девет бода, исто колку и Милан, со кој ќе се сретне во следното коло на 16 септември.
