Атлетико Мадрид го растури Рајо Валјекано на гости, а Столе Димитриевски дури седум пати ја вадеше топката од мрежата. Рајо имаше две победи на стартот од сезоната во Ла Лига, а Столе Димитриевски немаше примено гол.
Но, кошмарна беше оваа вечер за Рајо. Атлетико Мадрид постигна три гола во првиот дел. Гризман во втората минута го отвори резултатот, Депај беше стрелец на вториот гол, а потоа се повреди, до одморот погоди и Молина.
Во второто полувреме Алваро Мората постигна два гола, а во листата на стрелците се запишаа и Анхел Кореа и Маркос Љоренте.
