Ал-Итихад со огромна понуда ќе се обиде да го убеди раководството на Ливерпул да им го продаде Мохамед Салах. Клубот од Џеда ќе понуди речиси 100 милиони евра за 31-годишниот Египќанец.
31-годишниот Салах е под договор со Ливерпул уште две години, до летото 2025 година, а моментната вредност на напаѓачот изнесува околу 65 милиони евра. Тој во последниот период изразува незадоволство од политиката на клубот, но и од резултатите на тимот, кој нема да игра во Лигата на шампионите.
Ако трансферот се оствари, ќе го направи Салах најскапиот фудбалер во историјата на лигата на Саудиска Арабија.
