Сергеј Јакировиќ е новиот тренер на Динамо Загреб, објави хрватскиот шампион. Јакировиќ експресно ја напушта Ријека и ќе дојде во Динамо, каде ќе го замени Игор Бишчан.
По елиминацијата во квалификациите за Лигата на шампионите, раководството на Динамо одлучи спогодбено да го раскине договорот со Бишчан.
Динамо Загреб беше на прагот на пласман во плејоф – колото од ЛШ, водеше со 0-2 против АЕК во Атина, но прими два гола во судиското продолжение и беше елиминиран.
