Новиот напаѓач на Баерн Минхен, Хари Кејн, ја даде првата изјава како играч на Баварците. Капитенот на Англија вчера ги запиша своите дебитантски минути во новиот тим, но тие не беа особено пријатни за него бидејќи Баерн загуби со 0-3 од Лајпциг во Суперкупот на Германија.
„Отсекогаш сум сакал да се развивам и да ја подигнам границата за себе. Ќе видиме каде ќе ме однесе ова. На крајот, сакав да играм на највисоко ниво, да се борам за Лигата на шампионите и да освојувам титули секоја година. Доаѓањето во Баерн, кој е еден од најголемите клубови во светот, ми ја дава таа можност. Последнава недела беше доста напорна. За мене ова е прв трансфер и искуството и емоциите беа на двата пола, но сега сум среќен што сум тука. На Тотенхем и Даниел Леви им посакувам се најдобро. Мојот фокус сега е Баерн и сакам да му помогнам на овој тим. Целата кариера и целиот мој живот досега ја поминав во Англија, па ќе треба време да се навикнам на тоа. Сите очекуваат Баерн секоја година да ја освои шампионската титула, но и другите тимови напредуваат, па тоа е предизвик.Одлуката да го напуштам Тотенхем беше тешка бидејќи овој клуб е во моето срце. Но, сакам да освојувам трофеи и чувствувам дека е вистинско време да заминам. Луѓето зборуваат за рекордот на Ширер, но ми останаа уште неколку години во кариерата. Засега сум фокусиран да му помогнам на мојот нов клуб. Да се биде на „Вембли“ е возбудливо. Изгледите да се обидат да ја освојат Лигата на шампионите на Вембли се неверојатни (т.е. финалето на турнирот оваа сезона е на Вембли). Се надевам дека ќе успееме да го постигнеме“, изјави Хари Кејн.
