ПСЖ го официјализираше трансферот на Осман Дембеле. Францускиот напаѓач дојде од Барслеона и потпиша петгодишен договор со францускиот шампион.
„Осман Дембеле му се приклучи на ПСЖ од Барселона. Светскиот шампион, кој ќе го носи дресот со број 23, потпиша петгодишен договор“, стои во соопштението на клубот.
Дембеле не го крие задоволството што е дел од проектот на ПСЖ.
„Многу сум среќен што дојдов во ПСЖ и со нетрпение чекам да почнам да играм за моите нови бои. Се надевам дека ќе продолжам да се развивам тука и ќе ги направам сите навивачи горди“, изјави Дембеле.
