Македонскиот првак Струга ТЛ го победи Есперанж со 3-1 во првиот натпревар од третото квалификациско коло во Конференциската лига. Хет-трик постигна Бесарт Ибраими, а стружани обезбедија убава предност пред реваншот кој е закажан за следниот четврток.
Бесарт Ибраими во 23.минута постигна погодок откало противничкиот голман кардинално погреши. Во 40.минута беше досуден пенал што го реализираше Ибраими за предност од 2-0.
Есперанж намали на стартот на вториот дел преку Доминик Штолц, но Бесарт Ибраими уште еднаш реализираше од пенал во 77.минута.
