УЕФА пред ждребот ги скрати можните ривали на Струга ТЛ за плејофот од Конференциската лига

Македонскиот првак Струга Трим Лум денеска (14 часот) во Нион ќе го добие и можниот ривал за плејофот во Конференциската лига. УЕФА ги скрати можните ривали, а стружани се најдоа во групата 2 во пресрет на ждребот.

Доколку Струга ТЛ успее да го елиминира Есперанж од Луксембург, во плејофот би можела за протовник да го добие поразениот од следните натпревари: Зрињски – Брејдаблик, Карабах – Хелсинки, Астана – Лудогорец.

Натпреварите од плејофот за пласман во групната фаза од Конференциската лига е предвидено да се играат на 24.август и на 31.август.